Sempre aprendendo


Xa consumimos a primeira semana de actividade lectiva no ensino primario e quizais sexa o momento de facer algunhas reflexións. No plano persoal estou vivindo un cambio moi relevante. Deixar a dirección da escola na que traballo foi un respiro necesario, unha recarga de enerxía, unha urxencia vital. Agora teño que ocuparme do que verdadeiramente me interesa: a educación e o benestar dos nenos e nenas que teño ao meu cargo.

Este ano asumo a responsabilidade de coordinar o equipo de xestión da biblioteca escolar e hai moito traballo por diante. A tarefa é enorme. Non hai opción a aburrirse. Na aula estou moi satisfeito e ilusionado. A xente que me coñece di que teño mellor aspecto.

Pensei que era o momento de introducir máis cambios na miña práctica diaria. Modifiquei a estrutura física da aula reorientando ao alumnado cara ao encerado dixital. Adquirín algúns adaptadores para captar a rede wifi do colexio, conectar o iPad ao ordenador e bifurcar o sinal de vídeo. O alumnado está colocado formando un L coa finalidade de que poidan interactuar á vista uns dos outros. Noutro espazo da aula situei varias mesas equipadas con ordenadores para realizar investigacións. Hai moito camiño por diante. O importante é comezar con gañas e enerxía. Cada día de vida é un regalo. Isto é algo que aprendín hai xusto un ano. Propóñome falar e facer menos para que o meu alumnado fale e faga máis.


1 vista

Entradas Recientes

Ver todo

Pai e mestre

"Como no eres padre, no entiendes lo que son los niños". Nos case vinte anos que levo na profesión escoitei esta frase máis dunha vez, algunha delas proferida con verdadeira mala fe. Agora son pai e e

This site was designed with the
.com
website builder. Create your website today.
Start Now