Por que facemos o que facemos?


Sempre que chegan estes primeiros días de xullo, con máis tempo libre, adoito coller un libro que para min é como unha biblia da psicoloxía: Why we do what we do? (Por que facemos o que facemos?), de Edward L. Deci.

Aí teño aprendido eu moito sobre motivación e intelixencia emocional. Este libro axúdame a entender a psicoloxía non só dos adultos senón dos nenos, que non son tan distintos e que para min son o máis importante da sociedade.

Ás veces releo parágrafos enteiros, subliño ideas e trato de lembrar o que xa esquecera desde o ano anterior. Hoxe mesmo reparei nunha frase moi significativa e que explica moitas cousas das que acontecen a diario na miña aula: "Allow yourself to fail and you will be more likely to succeed" (Permítete a ti mesmo fallar e terás máis posibilidades de triunfar).

Pois canto máis obsesionados esteamos por facer algo ben, por non defraudar a papá, a mamá, ao profe; por non quedar en ridículo diante dos compañeiros, menos posibilidades teremos de ter éxito. Só hai éxito cando lle damos antes unha oportunidade honesta ao fracaso. O camiño do éxito está cheo de fracasos e parece que aínda non nos queremos decatar delo.

#motivación

7 vistas

Entradas Recientes

Ver todo

Pai e mestre

"Como no eres padre, no entiendes lo que son los niños". Nos case vinte anos que levo na profesión escoitei esta frase máis dunha vez, algunha delas proferida con verdadeira mala fe. Agora son pai e e

Un máis

Os mestres adoitamos dar por finalizados os anos ao chegar o 30 de xuño. Para nós é moito máis significativo. Nada de 31 de decembro. Cada 30 de xuño significa un máis (ou un menos) na carreira profes

This site was designed with the
.com
website builder. Create your website today.
Start Now